Sonte në Kosovë është regjistruar numër i madh i rasteve të reja me koronavirus.

Nga 201 mostra të testuara, Instituti Kombëtar i Shëndetësisë Publike të Kosovës ka konfirmuar gjithsej 36 raste pozitive, duke e çuar në 1 mijë e 194 numrin e përgjithshëm të të prekurve, shkruan Gazeta Sinjali.

Nga kjo shifër e përgjithshme, 884 persona janë shëruar, kurse gjatë ditës së sotme u konfirmua edhe një viktimë duke e çuar në 31 numrin e të vdekurve nga COVID-19.

Numri i personave të testuar për COVID-19 në Kosovë që nga fillimi i pandemisë është 16 mijë e 378 .

Sipas tabelës së siguruar nga Gazeta Sinjali, në Kosovë tani janë edhe 279 raste aktive me COVID-19.

Vushtrria është komuna që prin me më së shumti raste aktive, madje në këtë komunë ditëve të fundit ka pasur një “shpërthim” të raste të reja me koronavirus. Vetëm sot atje janë konfirmuar 24 raste pozotive dhe një viktimë.

Numri i rasteve aktive në Komunën e Vushtrrisë është 98, e pasuar me Komunën e Prizrenit me gjithsej 48 raste.

Më poshtë gjeni statistikat për të gjitha komunat e Kosovës./Gazeta Sinjali/