image Avokati: Deklaratat e të akuzuarit të dytë për vrasjen e Marigonës nuk përputhen me pamjet që ka Prokuroria - Sinjali

Avokati: Deklaratat e të akuzuarit të dytë për vrasjen e Marigonës nuk përputhen me pamjet që ka Prokuroria

news image

Avokati i familjes së Marigona Osmanit, Gazmend Rexhepi, ka folur rreth aktakuzës kundër dy të dyshuarve për vrasjen e 18-vjeçares, Dardan Krivaqa dhe Arbër Sejdiu.

Rexhepi tha se i akuzuari i dytë, Arbër Sejdiu, ka dhënë një deklarim që bie në kundërshtim me provat që i posedon prokuroria.

“Në bazë të hetuesve, fotografitë në kallëzimin penal që policia i ka dërgu në prokurori janë të tmerrshme, po ashtu në ditën kur Marigona është dorëzu në spital për çështjen e nofullës, mjekët ma kanë konfirmuar që e ka pas nofullën e thyer. Gjendja e familjes së Marigonës është e keqe, arsyeja e parë është që e ndjera ka qenë fëmija më i madh, tash kanë fëmijë të tjerë dhe në bazë të deklarimeve të prindërve, ata nuk mund të pajtohen assesi dhe kanë frikë. Pasojat janë shumë të rënda për familjen, madje edhe prokuroria në përshkrimin e aktakuzës thotë se gjatë gjithë fazës së hetimeve nuk ka gjetur asnjë rrethanë lehtësuese për të akuzuarit. I akuzuari i dytë ka dhënë një deklarim që bjen në kundërshtim me provat që i posedon prokuroria, që tash i janë dorëzuar gjykatës, për shkak se videoxhirimet nuk përputhen me atë që e ka dhënë”, tha ai.

Rexhepi tha se gjatë ekzaminimit, të ndjerës i janë gjetur disa analgjetikë, që përdoren te personat që kanë dhimbje të mëdha. Sipas tij këto medikamente janë përdorur që ajo mos të ndjej dhimbje gjatë kohës që ndaj saj është përdorur dhuna.

“Gjatë ekzaminimit, të ndjerës i janë gjetur disa analgjetikë, që përdoren te personat që kanë dhimbje të mëdha. Këto medikamente janë përdorur gjatë kohës që ajo është përdorur dhuna që ajo mos t’i ndjej dhimbjet dhe aktakuza shkruan saktë formën e hyrjeve dhe daljeve të dy akuzuarve në dhomën e Marigonës, me dru bejsbolli, lloj lloj mjete që kanë përdorur gjatë të ndjerës… Xhirimet janë brenda banesës, ato i ka marr prokuroria. Unë ende nuk i kam marr incizimet, do t’i marr dhe do t’i ekzaminoj, por përafërsisht periudha e saj e vdekjes ka filluar 48 orë më herët… Tri ditët e fundit, nëna e të ndjerës nuk ka pasur kontakt me Marigonën, por assesi nuk i ka shkuar mendja që mund te jetë me pasoja fatale për të ndjerën bashkëjetesa me Dardan Krivaqën”, tha ai në T7.

/GazetaSinjali/


Shpërndaje artikullin