image Ashtu sikurse kolegët e tij ish-ministra, as Vitia nuk ia dorëzoi detyrën Zemajt

Shëndetësi

Ashtu sikurse kolegët e tij ish-ministra, as Vitia nuk ia dorëzoi detyrën Zemajt

news image

Ministri i ri i Shëndetësisë, Armend Zemaj mori sot detyrën e tij në krye të këtij dikasteri.

Në fotografitë e postuar tek faqja e Ministrisë së Shëndetësisë, nuk u pa ish-ministri Arben Vitia.

Zemaj zhvilloi sot një takim me Sekretarin e Përgjithshëm dhe drejtorët e departamenteve të Ministrisë së Shëndetësisë nga të cilët kërkoi që të angazhohen në përmbushjen e përgjegjësive që ka Ministria e Shëndetësisë në funksion të mbarëvajtjes së sistemit shëndetësor.

Ministri Zemaj tha se do të jetë mbështetës i proceseve pozitive në shëndetësi dhe pret një bashkëpunim të ngushtë për të vazhduar punën në menaxhimin e situatës rreth Covid-19 në Kosovë dhe në fuqizimin e shërbimeve shëndetësore në vend me qëllim të ngritjes së cilësisë dhe sigurisë së shërbimeve shëndetësore në vend./Gazeta Sinjali/