Një person është arrestuar pas urdhrit të lëshuar nga Gjykata Themelore në Prishtinë, i cili dyshohet se kishte dokumente personale me fotografi të njëjtë por me të dhëna të ndryshme, pra që kishte identitet të dyfishtë.

Po ashtu, Policia e Kosovës ka bërë të ditur se i dyshuari kishte një pasaportë dhe një letërnjoftim të RKS-së me inicialet (M. S.), kurse dokumenti tjetër ishte një letërnjoftim i një shteti tjetër me inicialet (M. M.), raporton Gazeta Sinjali.

Pas kontrollimit të banesës dhe veturës së të dyshuarit sipas policisë atij i janë gjetur dhe sekuestruar një aparat për detektimin e kamerave dhe senzorëve, dy thika, shtatë telefon të llojeve të ndryshme, para prej 2.675 mijë eurove dhe disa fatura të ndryshme.

Të dyshuarit i është caktuar masa e ndalimit prej 48 orë, me vendim të Prokurorit. /GazetaSinjali/