Dy persona me inicialet E.Sh., dhe A.V., janë arrestuar mbrëmë në Vushtrri, pasi dyshohen sa janë përfshirë në veprën penale “vjedhje e rëndë në tentativë”.
Sipas policisë, të dyshuarit janë arrestuar pasi janë siguruar provat, ku rreth orës 03:30 të datës 17 janar, në rrugën ‘Trepça’’ në Vushtrri, dy të dyshuarit në bashkëveprim, në një shtëpi private kanë kryer veprën penale ‘vjedhje e rëndë në tentativë’, me ç’rast nga shtëpia kanë vjedhur vegla të ndryshme pune dhe veshmbathje të ndryshme.
Bëhet e ditur se të dyshuarit pas procedurave intervistuese, u është caktuar masa e ndalimit policor për 48 orë./Gazeta Sinjali/