Policia e Kosovës ka arrestuar tre personat të cilët sulmuan fizikisht zyrtarët policorë në Mitrovicë sot gjatë ditës.

Lajmin për Gazetën Sinjali e ka konfirmuar zëdhënësi i policisë për Mitrovicën e Jugut, Avni Zahiti.

“Lidhur me rastin janë arrestuar 3 persona, 2 nga ta janë ndalur në ndalim policor, një lirohet, ndërsa vepra është pengim i zyrtarëve policorë në vendin e punës dhe sulm ndaj tyre”, ka thënë Zahiti për Gazetën Sinjali.

Gjithashtu zyrtarët policorë të sulmuar në rrugën “Mbretëresha Teutë” në Mitrovicë, kanë pësuar lëndime trupore.

“Kanë pranuar lëndime trupore dhe janë dërguar për tretman mjekësor, natyrën e lëndimeve nuk e di”, ka përfunduar Zahiti.

Dyshohet se arsyeja e sulmit fizik kishte ardhur pas një problemi për parking të veturës së të dyshuarve./ Gazeta Sinjali/