Ambasada e Britanisë së Madhe në Prishtinë, u ka bërë thirrje tifozëve anglezë që do të udhëtojnë në Kosovë për të parë ndeshjen Kosovë – Angli, të kënaqen dhe të krijojnë miq.

Këtë ambasada e ka bërë përmes një shkrimi të publikuar në rrjetin social Facebook, transmeton Gazeta Sinjali.

“Thirrje për të gjithë tifozët e Anglisë që udhëtojnë për Prishtinë për ndeshjen e së dielës Kosovë-Angli. Një mirëseardhje e ngrohtë iu pret në Kosovë, vendin e famshëm për mikpritje dhe njerëz miqësorë. Kënaquni, bëni miq dhe shijoni ushqimin e mrekullueshëm, dhe natyrisht futbollin”, thuhet në postimin e ambasadës.

Në stadiumin “Fadil Vokrri” në Prishtinë, të dielen do të zhvillohet ndeshja mes Kosovës e Anglisë në kuadër të kualifikimeve për kampionatin Evropian 2020./Gazeta Sinjali/