Alpinisja 17 vjeçare nga Peja, Mrika Nikçi, ka shënuar edhe një sukses të radhës. Ajo është bërë vajza më e re në botë që ka arritur të kalojë sfidën në alpinizëm të njohur si “Seven Summits”, e që nënkupton ngjitjen në majat më të larta në shtatë kontinentet e botës.

Grupi i të rinjve “Europeans Making a Difference” apo në shqip “Evropianët që bëjnë ndryshim”, ka publikuar një video të Mrikës, e cila thotë se nëse vërtetë dëshironi diçka, mund t’i lëvizni edhe malet.

“Në male nuk ka gjini, moshë dhe nuk është e rëndësishme se prej nga vjen. Në male jemi të gjithë të barabartë”, është shprehur ajo.

Mrika vazhdimit udhëton me babanë e saj, Arianit Nikçin.

Vitin e kaluar, saktësisht më 27 maj, dy alpinistët Arianit dhe Mrika Nikçi kishin përfunduar me shumë sukses ekspeditën ‘Everest 2019’, duke u ngjitur në majën më të lartë në botë, Mt. Everest 8848 led./GazetaSinjali/