Deputeti i Kuvendit të Kosovës nga radhët e Lëvizjes Vetëvendosje, Liburn Aliu ka folur për idenë që Murat Jashari të jetë kryeministër konsensual.

Aliu tha se gjatë mbledhjes së Kryesisë së LVV-së kishte disponim të mirë që Murat Jashari të jetë në krye të një qeverie tranzitore.

“Ideja që të ketë një qeveri tranzitore që do t’i bashkonte palët është ide e mirë e sidomos duke pasur parasysh se Murat Jashari do të kishte edhe autoritetin moral. Ai do të ishte figura më e përshtatshme e mundshme pasi vjen nga familja Jashari dhe është apartiak”, tha ai në ‘Debat Plus’.

Deputeti i LVV-së thotë se Murat Jashari do të ishte i pranuar nga të gjithë dhe do të ishte garanci për këtë periudhë tranzitore.

Aliu pohoi se nuk kanë komunikuar me Murat Jasharin për këtë propozim por thotë se e shohin si figurë unifikuese në këtë situatë të tensionuar të vendit.