Policia e Kosovës në koordinim me Prokurorinë Themelore në Pejë është duke zhvilluar një aksion antidrogë në zonën e Dukagjinit, raporton Gazeta Sinjali.
Këtë për Gazetën Sinjali e ka konfirmuar zëdhënësi i Prokurorisë Themelore në Pejë, Shkodran Nikçi, i cili bëri të ditur se janë bastisur disa lokacione dhe janë arrestuar disa persona.
Sinjali mëson se deri më tani janë kryer bastisje në komunën e Gjakovës dhe të Deçanit, ndërkaq kanë rënë në prangat e Policisë shtatë persona të dyshuar.
Në kuadër të aksionit i cili është duke vazhduar, janë sekuestruar një sërë gjësendesh në cilësinë e provave materiale.
Sinjali do t’iu mbajë të informuar me detajet e reja.