Pesë emigrantë janë ndaluar nga Policia e Kosovës në fshatin Zabel i Ulët në Drenas.

Siç ka njoftuar policia përmes raportit 24-orësh, fillimisht njësiti policor kishte tentuar ta ndalojë veturën me targa vendore, e cila nuk ishte ndalur, dhe më vonë ajo veturë ishte aksidentuar duke e goditur një automjet kombi.

Tutje, është bërë e ditur se në veturën e cila ishte aksidentuar kanë qenë 5 emigrantë meshkuj shtetas të huaj, ndërsa vozitësi i veturës ka arritur të ikë dhe nuk dihet identiteti i tij. /Gazeta Sinjali/