Një aksident trafiku mes dy automjeteve ka ndodhur sot rreth orës 22:00 në rrugën Luan Haradinaj në Prishtinë, me ç’rast tre persona kanë mbetur të lënduar, shkruan Gazeta Sinjali.
Të lënduarit janë dërguar për trajtim të mëtejshëm mjekësor.
Lajmin për Sinjalin e ka konfirmuar zëdhënësi i Policisë për rajonin e Prishtinës, Agron Borovci.
“Si pasojë e aksidentit lëndime trupore kanë pësuar 3 persona. Personat e lënduar janë dërguar për trajtim të nevojshëm mjekësor, ndërkohë që me rastin po merret njësiti i trafikut”, tha ai për Sinjalin. /Gazeta Sinjali/