Një aksident trafiku ka ndodhur sot rreth orës 14:00 në rrugë Gjilan – Prishtinë, me ç’rast kanë mbetur të lënduar 4 persona.
Lajmin për Sinjalin e ka bërë të ditur Policia e Kosovës, si dhe kanë dhënë detaje.
“Rreth orës 14:00 në rrugë Gjilan – Prishtinë, respektivisht në fshatin Kishnicë, ka ndodhur një aksident komunikacioni në të cilin kanë qenë të përfshira 4 vetura. Për pasojë nga aksidenti janë lënduar katër persona të cilët me autoambulancë janë dërguar në QKUK për trajtimin e nevojshëm mjekësor. Policia ka dalë në vendin e ngjarjes dhe ka filluar një hetim lidhur me shkaqet që kanë sjellë deri te ky aksident.”
Gazeta Sinjali ka arritur të sigurojë edhe fotografi nga aksidenti.
