Të paktën 18 punëtorë humbën jetën pasi autobusi me të cilin udhëtonin u përplas me një kamion në shtetin Uttar Pradesh, në veri të Indisë.
Sipas dëshmive nga vendngjarja, autobusi kishte ndaluar për shkak të një defekti në anë të rrugës, kur u godit me gjithë forcën nga kamioni.
Disa nga punëtorët po qëndronin në autobus, ndërsa shumë të tjerë po flinin jashtë, në momentin e aksidentit.
Bilanci i viktimave mund të rritet edhe më tej pasi të plagosur kanë mbetur dhe 30 persona, shumë prej të cilëve rëndë.