Kryetari i Lidhjes Demokratike të Kosovës ka thënë se kryeministri Albin Kurti ndonëse ka ndryshuar qëndrim për reciprocitetin dhe çështjet e tjera, do ta ketë përkrahjen e LDK-së nëse punon mirë, shkruan Gazeta Sinjali.
Këto komente Abdixhiku i bëri pas takimit që e pati me Kurtin.
Në dokumentin që i aka dorëzuar Kurtit, thotë se i ka qëndrimet e LDK-së për reciprocitetin, dialogun dhe çështje të tjera.
“Unë vërejta që kryeministri jo vetëm për çështjen e reciprocitetit, por edhe tema tjera që i ka pasur si kauzë ka ndërruar pozicion në dialog, por tani është koha ta dëshmojë veten dhe Kosovën në këtë përfaqësim”.
“Të gjitha pozicionet tona i keni të prezentuara në dokument. Janë pozicionet e reciprocitetit, dialogut, kërkim-faljes dhe dialogut të brendshëm para atij të jashtëm”.
“Kryeministri është koha ta dëshmojë veten në dialog dhe do ta ketë përkrahjen tonë e të gjithëve përderisa vepron mbarë edhe mirë”, deklaroi ai. /Gazeta Sinjali/