Nga sot nxënësit e Shkollës Fillore dhe të Mesme të Ulët “Asim Vokshi” në Prishtinë, do ta vijojnë mësimin online (në distancë), raporton Gazeta Sinjali.
Kjo për shkakun se 5 mësimdhënës të kësaj shkolla janë konfirmuar pozitivë me COVID-19.
Lajmi është konfirmuar nga vetë shkolla përmes një njoftimi në faqen e tyre në Facebook.
“Të nderuar prindër, nxënës dhe ju mësimdhënës. Pas konfirmimit nga IKSHPK se në shkollën tonë kanë rezultuar 5 mësimdhënës pozitiv me COVID-19, dje është marrë vendimi që shkolla të kaloj në skenarin C-mësim online për 14 ditë”, thuhet në njoftimin e shkollës./Gazeta Sinjali/