Spencer Rollyson, 21-vjeçar, ka treguar se koronavirusi thuajse ia mori jetën, pavarësisht se ai kishe shfaqur simptoma shumë të lehta.

“Asnjëherë nuk kam menduar se si 21-vjeçar do të isha në prag të vdekjes”, tha ai, raporton CNN.

Fillimisht, infeksioni dukej ashtu si gripi ose ftohja, tha ai, dhe simptomat zgjatën për disa ditë.

“Rreth një javë e gjysmë, dy javë më vonë, unë fillova të ndjehem keq”, tha ai.

Rollyson tha se shkoi në dhomën e urgjencës me ethe dhe mjekët kryen disa teste, duke përfshirë rrezatimin e gjoksit dhe skanimet CT për të gjetur problemin.

“Kjo është kur gjithçka filloi të mbyllet. Në dy ditë, trupi im shpejt ra”, tha Spencer.

Gjersa shumë pacientë duket se kalojnë nëpër infeksione pa simptoma, ende nuk po mund të tregohet si do të reagojnë individët e ndryshëm ndaj virusit.

Rollyson tha se mjekët i thanë që trupi i tij shkoi në gjendje hiperaktive duke u përpjekur të luftonte koronavirusin para se të pësonte dështim të zemrës dhe dështim të frymëmarrjes akute.

Edhe pse kanë kaluar disa javë nga shërimi, rrahjet e zemrës së Rollysonit ende monitorohen dhe ai ende po përdorë ilaçe për presionin e gjakut. Ai thotë se mjekët i kanë thënë që barnat duhet t’i marr edhe për të paktën një vit.

“Pothuajse më morri jetën një muaj më parë. Pra, nuk është diçka për të luajtur me të. Për të qenë më të sigurt, vendosni maskat dhe lani duart”, përfundoi 21-vjeçari./Gazeta Sinjali/