Një person nga Komuna e Gjilanit i cili ka vdekur gjatë ditës së sotme e ka çuar në katër numrin e viktimave nga koronavirusi në këtë komunë, shkruan Gazeta Sinjali.
Sonte Instituti Kombëtar i Shëndetësisë Publike të Kosovës ka konfirmuar edhe 12 raste pozitive me COVID-19 në Komunën e Gjilanit, derisa janë shëruar 20 të tjerë.
Kryetari i komunës, Lutfi Haziri ka njoftuar se edhe 13 raste me simptoma po presin rezultatet nga Instituti.
“Po ashtu, edhe 13 raste me simptoma presin rezultatet nga IKSHP.
Koha me e rritë kujdesin. Sonte, nesër e çdo ditë. Të bashkohemi kundër rritjes së të infektuarve dhe ta parandalojmë rikthimin e masave dhe mbylljen e jetes sonë prapë!”, ka shkruar Haziri në profilin e tij në Facebook.
Nga fillimi i pandemisë e deri sot në Komunën e Gjilanit janë regjistruar gjithsej 182 raste pozitive me COVID-19, prej tyre 129 janë shëruar, 49 raste janë aktive, ndërsa 4 vdekur./Gazeta Sinjali/