Greqia ka konfirmuar 151 raste të reja me koronavirus në 24 orët e fundit. Nga fillimi i epidemisë janë regjistruar 5 mijë e 270  persona të infektuar, ndërsa gjithsej 210 pacientë e kanë humbur betejën me këtë virus.

Sipas mediumeve greke, numri më i madh i rasteve të reja ditën e sotme u shënua në zonën Atika, rajoni më i gjerë i Athinës, në kuadër të së cilit është edhe ishulli Poros ku prej sot në mëngjes në fuqi janë masat restriktive për shkak të numrit të madh të personave të infektuar.

Nga e mërkura, për të gjithë ata të cilët në Greqi do të arrijnë nga Malta detyrimisht duhet të kenë test negativ për COVID-19, të bërë 72 orë para udhëtimit.

Në periudhën në vijim anulohen të gjitha panairet, ndërsa ndalesa për qëndrim në të gjitha klubet e natës, baret, kafenetë, klubet me muzikë dhe të ngjashme vazhdohet deri në fund të muajit./Gazeta Sinjali/