Punëtorët e kompanisë “Ferronikeli” nesër do të protestojnë para Qeverisë së Kosovës, shkruan Gazeta Sinjali.

Në njoftim thuhet se protesta do të fillojë nga ora 12:00.

Kjo është protesta e dytë pas asaj të 28 tetorit që mbahet për të kërkuar nga Qeveria e Kosovës kthimin në punë të mijëra punëtorëve të kompanisë që mbetën pa punë nga 8 tetori.

“Kjo është protesta e dytë, pas asaj të 28 tetorit, që mbahet për të kërkuar nga Qeveria e Kosovës zgjidhje për kthimin në punë të mijëra punëtorëve të kompanisë, të cilët mbetën pa punë nga 8 tetori, kur u ndal prodhimi në “NewCo Ferronikeli” si pasojë e krizës energjetike”, thuhet në njoftim. /GazetaSinjali/