Më shumë se 38 mijë kandidatë garojnë për raundin e parë të zgjedhjeve lokale sot në Kroaci, ku 3,66 milionë votues do të kenë të drejtën e votës në mbi 6 mijë e 500 qendra votimi, që është rreth 60 mijë votues më pak se në zgjedhjet e vitit 2017.

Rreth 13,7 milionë fletëvotime janë shtypur për zgjedhjet e ardhshme lokale.

Krerët ekzekutivë lokalë zgjidhen me shumicë votash dhe nëse duan të zgjidhen në raundin e parë, ata duhet të marrin më shumë se 50 për qind të votave të hedhura. Nëse askush nga kandidatët nuk ka sukses, brenda dy javësh, më 30 maj, do të mbahet raundi i dytë i zgjedhjeve, në të cilin do të hyjnë dy kandidatët me numrin më të madh të votave, kurse kandidati që fiton numrin në raundin e dytë shpallet fitues.

Në Split dhe Rijekë garojnë 11 kandidatë për kryebashkiakë, në Osijek janë shtatë, kurse në Zagreb dhjetë kandidatë.

Në listat për asambletë e rretheve janë regjistruar 7 mijë e 104 kandidatë, duke përfshirë qytetin e Zagrebit, i cili ka statusin e qarkut, dhe 28 mijë e 860 në listat për këshillat e qytetit dhe bashkive.

Ka 225 kandidatë për prefektët dhe zëvendësit e tyre, ndërkaq, ky numër përfshin gjithashtu kandidatë për kryetarin e bashkisë së Zagrebit dhe zëvendësit e tij. Për kryebashkiakë dhe kryetarë komunash kanë kandiduar 1 mijë 901 persona.

Heshtja zgjedhore filloi në mesnatën e së premtes dhe përfundon sot në orën 19, kur edhe mbyllen qendrat e votimit.

Sot në Kroaci do të hapen 6.572 qendra votimi dhe do jenë dhjetë anëtarë të komisionit në secilin vendvotim.

Rezultatet do të publikohen nga Komisioni Shtetëror i Zgjedhjeve sonte nga ora 21:00, kurse gjendja do të përditësohet çdo 15 minuta. Të dhënat e pjesëmarrjes do të publikohen në orën 12:00 dhe 17:00./Gazeta Sinjali/